الإثنين , 24 يوليو 2017
الرئيسية » شعر » .الدولار وعدم الاستقرار.بقلم محد جمال فايد | الشارع نيوز

.الدولار وعدم الاستقرار.بقلم محد جمال فايد | الشارع نيوز

 

إيه إللى رفعك فى لحظة ونزلت
…………………. تانى من فوق الجنيه يا دولار
هوه إحترامك يا غالى
…………………….بوصول ترامب………… إنهار
ولا الحبايب زادوا المنح
…………………..وبعتوا منك فى البريد قنطار
ولا المصانع انتجت فوق
…………………. .الحدود………. ولا الزمن دوار
ولا السياحة اتنحررت
…………………..وجتنا الفلوس……………. أنهار
ولا تصدير بلدنا رجع ينافس
………………………… جوه دول الخليج إعصار
ولا الزراعة اتحسنت لما
………………وزيرهااتسجن والتانى سابها وغار
ولا احنا كنا اتسرقناورجع
………………. الحرامى بالفلوس………. ع الدار
ولا مقاطعة قطر غرست
………………………. فى نعشك يادولار مسمار
ولا إستيرادنا قل بعد
………………الجنيه ماإختل ……..واتعملوا زار
………………………………. ……………………
رد عليا وجاوب ……..يا غالى
……………………..وقولى إيه عندك من الأسرار
لأن النوم جفانى وطول
…………………نهارى بعانى ومن يومين محتار
إزاى يئلوا قيمتك. والكل يمسك فى
…………..سيرتك والشعب يشكى إرتفاع أسعار
وصرت أفطر ولادى فى الكفر
……………….ولا المعادى بخمسين جنيه وفشار
مع إن كل المرتب ميشتريش
………………..فرختين وقرموط سمك و خضار
ودفع مية ووصل للكهربا
………………وأمبوبتين وأرن شطة مولعينه نار
وشاى وسكر وزيت ورى غيط
…………………..وإحتكار سلع قاسى من الفجار
دلونى بالله عليكم هو الدولار
……………… إنخفض ولا إنتفض ولا حيل تجار
ولا أنا عقلى وقف وطلعلى
………………..ديل وصرت غبى فى البلد وحمار
وصرت فريسة ولعبة
…………………………خبيثة بعد الجنيه ما انهار
يا رب صبرنى على دا الغلا
…………………. وزيح البلا و عمار يا مصر عمار

تعليقك على الموضوع

%d مدونون معجبون بهذه: