الجمعة , نوفمبر 24 2017
الرئيسية / شعر / مباشر على الهواء مع السادة البلهاء | الشارع نيوز

مباشر على الهواء مع السادة البلهاء | الشارع نيوز

إجمعوهم فى البرامج
…………………….واسألوهم هما مين
رح يجاوبوك يا حبيبى
……………………إحنا من أهل اليمين
إحنا حراس العقيدة
……………………..إحنا بس المسلمين
ما فى غيرنا له رسالة
……………………ولا ملة…… ولا دين
واللى بيحاربونا ديما
……………………دول شوية مغرضين
نفسهم يلغوا الديانة
……………………والعبادة… من سنين
رد يا ابن الناس عليهم
……………………..قولهم خفوا الأنين
وافهموا القرآن كويس
…………………….ليه تعيشوا مغيبين
وادرسوا سنة محمد
……………………مبشرالأمة…..الأمين
لو فهمتم أو درستم
………………………رح تعودوا نادمين
عن سنين كنتم سكارى
…………………. فى الجهالة مغمورين
ضاع شبابكم قبل دينكم
…………………….وانتو لسة صغيربن
ليه تفجر يابنى نفسك
………………..واخرتك رح تبقى طين
ليه ترجعلى ولادى
…………………من حراستك مقتولين
ليه زمايلك قبل منك
………………….للإرادة……. مسلوبين
ليه تخلى الأهل منك
………………….كلهم ………..متبريين
مين ضحك عليك وقالك
…………………إنك عندك.يا ابنى دين
وإن كل الشعب فاسد
…………………وانتوا جيتم مصلحين
إنت أصلا واللى زيك
…………………مش ولادى ومأجورين
وأنا مصر ولادى ديما
………………….م المخاطر محفوظين
وإنتوا ياكلاب البرارى
………………والصحارى ……مجرمين
وعمركم ما كنتوا يوم
………………..فى الديانة….. مسلمين

تعليقك على الموضوع