الأربعاء , نوفمبر 22 2017
الرئيسية / شعر / “رسالة من عاشق لأم الدنيا.” بقلم محمد جمال فايد | الشارع نيوز

“رسالة من عاشق لأم الدنيا.” بقلم محمد جمال فايد | الشارع نيوز

بحبك يامصر من قلبى
……………..حب لو إتوزع يكفى الكون
وأخاف عليكى من فاسد
………………..يزود عليناوعليكى ديون
ومن مواطن ياخد حقوق غيره
…………وهوه على مسئول كبير مركون
ومن جاهل مفكر الدين منظرة
………….وسبحة وهدمة قصيرةودؤون
وكل شيئ على هواه مباح وفى
………. المعاصى زى الشيطان مطحون
ومن مجرم ملوش مبدأ
………….ومن إرهابى جبان ورد سجون
ومن كلب إتربى على أرضك
…………..وبعد ما يكبر يهجرك و يخون
ومن جاهل نكر فضلك
……………..وعاش أعمى ملهشى عيون
ومن غدار ومنافق و كداب
…….الحقد فى قلوبهم من زمن مدفون
ومن جزار يبيع لحم خنزيرمع
………. لحم حميربلعاب الكلاب معجون
ومن محتكر سلعة ضرورية
……علشان يرفع سعرها فى البلد بجنون
ومن طبيب يتاجربأعضاءالبشر
…………. طماع طول عمره واطى ودون
ومن مهندس مرتشى وله مداخل
……………..ومخارج فى الخراب وفنون
ومن مدرس يخون الأمانة
………….. والخيانة مهنة شيطان ملعون
ومن تاجر سموم هانت عليه
…………………بلده وشبابها عليه بيهون
تحت بند مزاج عالى
………………وبال خالى بالخيال موزون
وهوه بيبيع الوهم والموت لهم
……………والسم منأوع بالعسل مدهون
فيارب إحفظ مصر واحفظنا
……….من عديم الضمير والخلق واللون
ومن كل حقير وعميل ومن
………كل مؤذى عليه مصر الكنانة تهون

تعليقك على الموضوع