الرئيسية / المرأة والطفل / اعرفي اهم منتجات العناية بالجمال اللي لازم تكون في شنطتك |الشارع نيوز

اعرفي اهم منتجات العناية بالجمال اللي لازم تكون في شنطتك |الشارع نيوز

مي النشار

كلنا عارفين ان العناية و الاهتمام بالبشرة و الشعر حاجة اساسية ماحدش فينا بيقدر يستغنى عنها، لكن منتجات العناية بيهم بتتغير من يوم للتانى و كل يوم بيظهر الاحسن و الاجدد، وفي مقالنا ده هتعرفى معانا أدوات مكياج و منتجات عناية بالجمال لازم تكون فى شنطتك ..

للعيون و الحواجب

1- باليت آيشادو للحواجب من ماركة Tarte :

بتعتبر باليت آيشادو الحواجب من ماركة tarte مميزة بثبات عالى و درجات حلوة جدا مميزة تقدرى تعملى بيها لوك مكياج يليق على تقريبا أى outfit ،لو الباليت دى مش متوفرة او غالية تقدرى تستخدمى أى باليت تحبيه من اى ماركة تاينة بس المهم تحاولى تختارى درجات الوان تمشي مع كل حاجة وماتبقيش مضطرة تغيريها كل فترة.

2-جيل للحواجب من ماركة benefit brow:

انك توصلى للوك الحواجب المثالى ده تحدى بيقابلنا كلنا طول الوقت، لكن جيل الحواجب من ماركة Benefit brow المتخصصة فى مكياج الحواجب هتسهل عليكى الموضوع كتير، حاولى تشتريها و تجربى ومش هتستغنى عنها بعد كده!

3-آيلاينر سائل من ماركة لوريال :

ماركة لوريال من الماركات المعرفة و المشهورة بجودة منتجاتها و اسعارها المعقولة الى حد ما، الـ liquid liner من لوريال هيظبط معاكى و سهل جدا فى استخدامه وسعره تقريبا 200 جنية او اقل.

4-قلم حواجب من ماركة أناستازيا:
فى محاولة تانية للوصوال الى الحواجب المثالية، جربى تستخدمى قلم الحواجب من ماركة Anastasia ، هتقدرى تلاقيه اسهل وكمان بسعر مناسب اكتر.

5-آيلاينر من مايبيلين:
ماركة مايبيلين معروفة بانتجاها الكحل المشهور colossal kajl ودلوفتى كمان بقى فى منتج جديد مشهور جدا و هو CURVITUDE™ EYELINER و غيره من الانواع ، بشكل عام بتعتبر ماركة مايبيلين من أفضل الماركات اللى بتنتج مكياج للعيون.

6- ماسكارا من ماركة too faced:
بتعتبر من الماركات المميزة اللى بتنتج ماسكارا بتدى لوك حلو و طبيعى للرموش ، ورغم انها ممكن تبقى قليلة و سعرها مرتفع لكن لما تستخدميها أكيد هتقعى فى حبها .

7-هايلايتر للحواجب من ماركة benefit brow:
حلو جدا فى تحديد الحواجب و بيخليها تبان وتنور و بيديها لوك طبيعى و جذاب، ولو مش موجود ممكن تستبدليها بأى ماركة تانية تفضليها.

للوجه
1- كريمى كونسيلر من ماركة Nars :

كونسيلر كريمى مثالى فى اخفاء العيوب وتوحيد البشرة ، وكمان سهل جدا فى الفرد والاستخدام.

2- هايلايتر بودر من ماركة Laura Mercier :
بودر وهايلايتر فى نفس الوقت ! تقدرى تستخدميها بعد الفاونديشن وفى نفس الوقت تدى لوشك لمعة طبيعية خفيفة تنور اللوك بتاعك.

3- فاونديشن من ماركة Makeup forever :
فاونديشن سائل للاستخدام السهل و السريع، بسيط فى استخدامه و بيدى نتايج هايلة.

للشفايف
1- VASELINE LIP BALM :

فازلين الشفايف او الـ lip balm حاجة أساسية ومهمة جدا ماينفعش تهمليها، لنتايج أفضل و اسرع بننصح باستخدامه طول السنة مش فى الشتاء بس زى ما معظم البنات بيعتقدوا.

2- DIOR LIP BALM :

الـ lip palm من ماركة Dior بيعتبر مميز ونتايجه كويسة كمان، لكن ممكن تلاقيه بسعر مرتفع شوية.

3- GLOSSIER LIP BALM :

بتعتبر نكهة الـ Cherry flavor هى الاشهر من مرطب الشفايف اللى بتنتجه ماركة Glossier ، لكنه كمان حلو ونتايج استخدامه كويسة.

للشعر
1- زيت شعر مغربى :

الزيوت المغربية للشعر معروفة بنتايجها الهايلة وفوايدها الكبيرة فى تغذية وتنعيم وتطويل الشعر زى زيت الارجان وغيره من الزيوت، لازم يبقى الزيت المغربى جزء مهم اساسى من روتين الاهتمام والعناية بشعرك.

2- سبراى لترطيب الشعر الجاف :
هيساعدك تزودى من volume وتقوى من texture شعرك، ممكن تجربيه من ماركة Ouai spray ولو مش متوفر دورى على ماركة بديلة وجربي.

3- سبراى للشعر من ماركة Tresemme :
هيساعدك تتحكمى فى هيشان الشعر اللى بيزيد خصوصا فى ايام الصيف اللى الرطوبة فيها بتبقى عاليه ، سبراى الشعر من تريزيمى بيعتبر مميز جدا ومن افضل انواع سبراى تثبيت الشعر و كمان سعره فى المتناول.

4- مكواة فرد الشعر من ماركة GHD :
آخر منتج معانا من منتجات عناية بالجمال لازم تكون فى شنطتك هى flat iron لطيفة على الشعر وملمسها لطيف من ماركة GHD لكن نتايجها هايلة، لو مش متوفرة ممكن تستبدليها بأى ماركة تانية لكن اتاكدى من درجة حرارتها و مادة التصنيع.

تعليقك على الموضوع