أخبار عاجلة
الرئيسية / شعر / ” ياإبن آدم ” بقلم محمد جمال فايد| الشارع الجديد

” ياإبن آدم ” بقلم محمد جمال فايد| الشارع الجديد

لف وابحث عن أصولك فى الحفر
…………تلأاها دابت من زمن جوه التراب
راحوا العمد راحوا المشايخ والغفر
……..تركوا المساكن والوطن لابن الغراب
وانت بتبحث عن جدورك قبل السفر
…….شوف كم نفر صارت حكاويهم سراب
شوف فين قصور البهرجة والمهرجة
………..فاتها ملوك المسخرة صارت خراب
والليالى الحلوة جوة المضيفة
………..من بعد موت الكل غطاها الضباب
وبيوت العز من بعد الصفا
………نورها انطفا من بعد ماجوها الكلاب
اجرى ودور مش هتاخد بغيتك
……….ولاعزوتك رح تنفعك يوم الحساب
وجوه قبرك .دوووود هياكل جثتك
…….وملايكة تسأل وانت ما عندك جواب
غير بابا جدى عمتى أمى وعيلتى
………..وعزوتى فينكم غيتونى م العذاب
ليه سبتونى وحدى ف طربتى
………………….وقفلتوا دوغرى عليا باب؟
وانا إللى ياما كنت بيكم بأفتخر
…………وطلعت بيكم للسما فوق السحاب
ردوا وجاوبوا أنا ابنكم انا لحمكم
…….انا منكم فين راحوا الأحبة والصحاب
الكل فاتك ومفيش معاك غيرالعمل
………………صالح وطالح اتعملك به كتاب
ولا حد هيجاوب عليك…. غير صفحتك
………..الى مضيتها فى دنيتك والكل غاب
وساعتها تصرخ صرختك على صحبتك
………وتقول لهم من طربتك انا من تراب
………انا من تراب…..أنا من تراب……………

شاهد أيضاً

يا حبيبي يا رسول الله

بقلم : نبيل محمد صلاح الدين أنا جسمي عليل ودواه النبي بحب النبي وزيارة النبي ...

تعليقك على الموضوع