الرئيسية / المرأة والطفل / اقضي علي قشرة الشعر بوصفات طبيعية| الشارع نيوز

اقضي علي قشرة الشعر بوصفات طبيعية| الشارع نيوز

مي النشار

 

 

تعتبر قشرة الشعر من اكتر المشكلات المزعجة اللي بتواجهنا كبنات وده لأنها بتسبب الاحراج والازعاج بسبب احساس الحكة والالم وكمان المظهر اللي مش كويس لأنها ممكن تظهرعلى الشعر او على الملابس وكتير جربنا الشامبو المزيل للقشرة لكنه مشكلته انه بيخلي الشعر جاف وناشف، وعشان تعالجي القشرة نهائيا وتتخلصي من المشكلة دي جربي الوصفات الطبيعية الموجودة في الموضوع ده حتلاقي هنا مجموعة وصفات لعلاج قشرة الشعر من المواد الطبيعية اللي حتساعدك تتخلصي من المشكلة وتحافظي على جمال وصحة شعرك في نفس الوقت.

 

 

زيت جوز الهند والليمون

معروف ان زيت جوز الهند يحتوي على مركبات مضادة للفطريات بالاضافة الى قدرته على ترطيب الشعر والحفاظ على الزيوت الطبيعية فيه، اما الليمون فهو يحتوي على حمض وده بيخليه مادة قابضة ممتازة عشان تتخلصي من افراز الدهون اللي بيسبب قشرة الشعر

 

خدي معلقتين كبار من زيت جوز الهند واخلطيهم مع معلقة كبيرة من عصير الليمون، اغسلي شعرك كويس جدا بالمياه الدافية ودلكية اثناء الغسيل، سيبيه نص ساعة وبعدين اغسلية، كرري العملية دي مرتين في الاسبوع وحتلاحظي الفرق بعد تلات اسابيع.

 

خل التفاح وزيت شجرة الشاي

خل التفاح من المواد اللي بتقدر تعادل حمضية وقلوية فروة الرأس وبالتالي بتقلل من اسباب تكون القشرة ده غير كمان قدرته على تقليل عملية التخمر اللي بتحصل في فروة الرأس بسبب الفطرياتوكمان خل التفاح بينقي المسام وينظفها ويحافظ على نظافة فروة الرأس، اما زيت شجرة الشاي فهو معروف بقدرته العالية على معالجة الفطريات عشان فيه الكثير من مضادات الاكسدة اللي بتقلل من كفاءة البيئة اللي بتنشط فيها الفطريات

 

خدي معلقتين كبار من خل التفاح مع معلقتين كبار من الماية وضيفي عليهم 20 نقطة من زيت شجرة الشاي وامزجيهم كويس، دلكي فروة الرأس المغسوة جيدا بالخليط السابق، اشطفي شعرك كويس جدا بالماية الدافية بعد خمس دقايق، كرري العملية مرتين الي تلات مرات في الاسبوع وفي خلال شهر واحد حتتخلصي من مشكلة قشرة الشعر.

 

الاسبرين

بيحتوي الاسبرين على احماض مفيدة بتساعد في التخلص من الجلد الميت في فروة الرأس وبالتالي بتقلل الشعور بالحكة وبتخلص من القشرة.

 

اطحني قرضين من الاسبرين مع كمية قليلة من الشامبو، اغسلي فروة رأسك كويس جدا بالمزيج ده ودلكيه دقيقتين.

سيبيه على شعرك من 3 الى 5 دقايق، اغسلي شعرك كويس بالشامبو العادي عشان تتخلصي من اثر بودرة الاسبرين.

كرري العملية مرة الى مرتين في الاسبوع وحتتخلصي من مشكلة القشرة في خلال 4 الى 6 اسابيع.

 

 

الحلبة والزبادي

تحتوي الحلبة على مكونات مضاده للفطريات، اما الزبادي فهو بيتكون من حمض اللاكتيك وهو مفيد جدا معادلة حمضية وقلوية فروة الرأس بالاضافة الى قدرة الحلبة والزبادي على ترطيب الشعر واعطائه مظهر صحي وجذاب.

 

انقعي تلات معالق كبيرة من الحلبة في القليل من المياه طول الليل، تاني يوم اطحني الحلبة مع الماية اللي اتنقعت فيها بحيث انها تبقى زي المعجون، حطي على الحلبة معلقتين كبار من الزبادي وامزجيهم كويس جدا

اغسلي شعرك كويس اوي، حطي المعجون على فروة رأسك بالكامل ودلكية لمدة دقيقتين، لمي شعرك كويس وسيبي الوصفة على شعرك من ساعتين الى تلات ساعات، اشطفيه كويس عن شعرك وبعدين اغسلي بالشامبو كالمعتاد.

كرري العملية مرة الى مرتين في الاسبوع وحتلاحظي في خلال شهر واحد ان شعرك بقى انعم بكتير وان القشرة اختفت.

 

شاهد أيضاً

اعرفي ازاي تظهري رموشك بشكل جذاب في 4 خطوات | الشارع نيوز

تعليقك على الموضوع