أخبار عاجلة
الرئيسية / المرأة والطفل / وصفات طبيعية ليدين ناعمة كـ الحرير| الشارع نيوز

وصفات طبيعية ليدين ناعمة كـ الحرير| الشارع نيوز

مي النشار

 

كل بنت وست بيت وكل أمراة بتدور على طرق تكون طبيعية وبسيطة تساعدها فى الاهتمام ببشرتها خصوصا فى الشتاء علشان نحمي بشرتها من الجفاف والخشونة و التشققات اللي ممكن تتعرضلها بسبب برودة الجو وبتجرب طرق كتير لكن ما بتحققش النتيجة اللى بتكون مستنيها ، فى المقال ده هنقولك على اهم واسهل 6 وصفات تساعدك فى الاهتمام ببشرتك عموما و تساعدك على الحصول على تنعيم وتبييض الايدين وتخلى بشرتك فاتحة و ناعمة زى بشرة الاطفال بأقل مجهود.

 

الوصفة الاولى :

– امزجى ملعقة صغيرة من عصير الليمون مع ملعقة من الماء الدافئ كويس .

-ضعى الخليط على ايديكى مع التدليك برفق لمدة دقيقتين او ثلاثتة.

– بعد مرور من دقيقتين لثلاث دقائق امسحي ايديكى بمنديل ورقى جاف و ماتغسيليش ايديكى . ” من الافضل تطبيق الوصفة دى بالليل او قبل النوم ” .

 

الوصفة الثانية :

– ابشرى ثمرة بطاطس واحده ، وخدى المياة بتاعتها و ضيفي لمياة البطاطس مقدار مساوى من عصير الليمون .

– ادهنى ايديكى بالخليط و اتركى الخليط ده على ايدك اطول فترة ممكنة ” و يفضل استخدام الخليط على الايدين قبل النوم مباشرة ”

– في الصبح اغسلى ايدك، و كررى وضع الخليط على ايدك بشكل يومى و خلال اقل من اسبوع هتلاحظى فرق كبير فى نعومة ايديك و هتلاحظى انهم بقوا افتح .

” ممكن تستخدمى الوصفة دى  لتبييض و تنعيم الايدين و كمان لتفتيح البشرة و تنعيمها فى باقى اجزاء الجسم و خصوصا للوجه “

 

الوصفة الثالثة :

المقادير :

 ملعقة و نص عسل ابيض .

10 ملاعق من ماء الورد .

4 ملاعق من الجليسرين .

نصف ملعقة من الخل .

 

الطريقة :

-قومى بتسخين العسل على نار هادئة جدا و بعدين اخلطيه مع باقى المكونات .

– ادهنى ايديكى بالخليط ده و البسى على ايديكى اكياس او جوانتى  و اتركى الخليط على ايديك لمدة نص ساعة .

– داومى على تكرار الوصفة و هتلاحظى فرق فى وقت قليل .

 

الوصفة الرابعة :

– قومى بتسخين مقدار من زيت الزيتون على نار هادئة و ادهنى بيه اليدين و هو دافئ .

– اتركيه زيت الزيتون على ايدك لمدة قليلة من الوقت و بعدين افركى ايدك بخليط من الملح و الليمون ، ثم اشطفيها بالماء .

– كررى الوصفة دى يوميا قبل النوم .

 

الوصفة الخامسة :

– امزجى عصير نصف ليمونة مع ملعقتين من الخل الابيض ، يتم رج خليط الخل و الليمون كويس .

– دلكى ايديكى بالخليط ده لمدة 5 دقائق و بعيدن اغسلى ايديكى بالمياة .

– كررى استخدام الخليط ده لمدة 5 دقائق يوميا ، و فى الغالب هتلاحظى الفرق بعد اسبوع من الاستخدام اليومى .

 

الوصفة السادسة :

اخلطى نصف ليمونة مع علبة كريم ” جليسوليد ” و هتلاقى الكريم بسهولة فى اى صيدلية  . استخدمى مقدارمناسب من الخليط ده على ايديكى قب النوم مباشرة ،  و كررى استخدام الخليط ده يوميا . الوصفة دى فعالة جدا و بتدى نعومة و تفتيح للبشرة و هتلاحظى فرق واضح بعد الاستخدام المتكرر .

شاهد أيضاً

بالصور رئيس شبكة إعلام المرأه العربية يلتقى مع الامينه العامه للاتحاد النسائى العربي

  فاطمه ابو العلا التقى اليوم الصحفى والمستشار الاعلامى معتز صلاح الدين رئيس شبكة إعلام ...

تعليقك على الموضوع