أخبار عاجلة
الرئيسية / المرأة والطفل / استعيدي جمالك بوصفات القرفة المدهشة | الشارع نيوز

استعيدي جمالك بوصفات القرفة المدهشة | الشارع نيوز

مي النشار

 

تعد القرفة من المشروبات اللذيذة جدا ومن انواع التوابل اللي بتستخدم في كتير من الاكلات والحلويات وبتديها طعم وريحة حلوة جدا لكن فوايد القرفة مش بس كمشروب او للأكل لكن هي ليها فوايد كتير جدا للبشرة لانها مليانة بالمواد المضادة للأكسدة و كلنا عارفين اد ايه مفيدة للبشرة, ده غير ان فيها مضادات للبكتيريا وللفطريات وحاجات كتير هنعرفها النهاردة مع بعض من خلال موضوعنا.

 

– سكراب القرفة والقهوة للجسم:

السكراب ده بينشط الدورة الدموية, وبيخلص الجسم من مشكلة السيلوليت, وبيدي الجسم ريحة حلوة جدا.

المكونات:

– نص فنجان قهوة.

– نص كوباية سكر بني.

– تلت كوباية زيت جوز هند.

– معلقة صغيرة قرفة.

 

طريقة التحضير:

هندوب زيت جوز الهند على النار وبعدين نضيف عليه باقي المكونات ونخلطهم مع بعض كويس, افركي ايدك كويس عشان تديها حرارة وخدي من الخليط وافركي بيه الجسم بحركات دائرية قوية, وبعدين اغسلي جسمك, واحتفظي بباقي الخليط في اي برطمان عندك لحد ما تيجي تستخدميه تاني.

 

– سكراب لتقشير الشفايف:

السكراب ده بيقشر الشفايف وبيعالج تشقق وجفاف الشفايف.

 

المكونات:

– سكر ابيض او بني.

– زيت جوز هند.

– شوية قرفة.

 

طريقة التحضير:

هنضيف السكر مع جوز زيت جوز الهند من غير ما ندوبه هنستخدمه زي ما هو ونضيف عليهم القرفة ونقلب الخليط كويس, خدي من الخليط بصوابعك وابدأي افركي بيه الشفايف, ولو عندك باقي من الخليط ممكن تحتفظي بيه في برطمان وتحطيه في التلاجة ممكن يقعد عندك اسبوعين, بس قبل الاستخدام طلعيه من التلاجة قبلها بخمس دقايق وبعدين استخدميه.

 

– حمام القرفة والملح:

الحمام ده حلو جدا بيخلص الجسم من التعب والارهاق بعد يوم طويل مرهق.

 

المكونات:

– كوباية ملح انجليزي.

– نص كوباية ملح البحر.

– تمن معلقة جلسرين.

– من 2 ل 4 نقط من زيت الليمون زيت القرفة وزيت اكليل الجبل ” كل الزيوت هتلاقوها عند العطار”.

 

طريقة التحضير:

 

نخلط المكونات كلها مع بعض كويس, ونحط من الخليط ده في الحمام بتاعنا املي البانيو مية سخنة وحطي فيه من الخليط واقعدي استرخي فيه, وباقي الخليط ممكن تحتفظي بيه في اي برطمان لاستخدام تاني.

 

 

شاهد أيضاً

دوالي الساقين وطرق علاجها| الشارع نيوز

تعليقك على الموضوع