أخبار عاجلة
الرئيسية / مطبخ وأكلات / ارز بالفراخ والحمص والبصل المكرمل”  مع الشيف محمد بقشيش |الشارع نيوز

ارز بالفراخ والحمص والبصل المكرمل”  مع الشيف محمد بقشيش |الشارع نيوز

 

المقادير : 
نص كيلو فراخ صدور مكعبات / 3 كوبايات رز / علبه حمص / بصله مفرومه / توم مفروم / ملح وفلفل / توابل فراخ وتوابل مشكله / قرفه / جنزبيل / كارى / بابريكا / كركم / زيت /
( البصل المكرمل نقطع بصلتين شرايح وعليهم معلتقين كبار سكر / معلقه زيت )

الطريقه : 
نحمر البصله المفرومه فى شويه زيت وبعدين نضيف ليها التوم المفروم لحد ما لونهم يبقى بنى
نحط عليهم الفراخ المكعبات مع رشه ملح وفلفل صغيرين ونقلب كويس ونسبها تغلى وبعدين نوطى النار وبعد شويه نحط باقى التوابل كلها ( توابل الفراخ والمشكله والكارى والبابريكا والكركم والقرفه والجنزبيل )
ونسيب الفراخ تستوى شويه وبعدين نغسل الرز ونضيفه عليهم ونقلب شويه ونزود شويه ملح وفلفل تانى وبعدين نضيف علبه الحمص بس نصفيها من المايه ونقلب كله مع بعضه
نزود الرز مايه ونغطي ونسيبه يستوى
البصل المكرمل :
بنقطع بصلتين شرايح ونحطهم فى معلقه زيت ونضيف ليهم معلقتين سكر كبار ونقلب كله كويس ونسيبه لحد ما لونه يبقى غامق وبنطلعه نصفيه ونقدمه مع الرز بالحمص بيبقى طعمه حلووووو اووى ومقرمش وطبعا ممكن نزود الكميه حسب الرغبه
وبالف هنااا

شاهد أيضاً

خضار بالصويا صوص وجبه خفيفه ومفيده ولذيذة

مطبخ العائلة شيف محمد بقشيش المقادير: جزر مقطع / كوسه مقطعه / كرنب سلطه مقطع ...

تعليقك على الموضوع